كثيراً ما نسمع في حياتنا اليومية العديد من الأمثال و الحكم الشعبية المتنوعة, المأخوذة من واقعنا و طريقة عيشنا. و تكون نتاج التجارب المتراكمة و المُستمرة خلال العقود و السنوات المتلاحقة, فتعود علينا بالنفع و الفائدة من خلال تطبيقها في تصرفاتنا
و في بلدنا لبنان, تتنوّع أمثاله الشعبية بتنوّع فصوله و ثقافاته و بتعدّد مجتمعاته و مناطقه. فلكلّ حدثٍ أو واقعة مَثلٌ ينطبق عليها, و هذا ما يُغني المعرفة العامة, و يعمّم الحكمة بين أفراد المجتمع.
و إليكم أكثر من ١٥٠ مثل و حكمة لبنانية أصلية, صُنعَت في لبنان, نستعرضُها عليكم في الجمل التالية:
١- "إبن الحلال عند ذكره بِبان".
٢- "إجرَيها عوج.. و بدها بابوج".
٣- "أُخلُص النيّة و نام بالبريّة".
٤- "إذا كنت جاري.. ما تخرّب دياري".
٥- "إسعى يا عبدي ت إسعى معك".
٦- "إللي أَوَّله شرط.. آخرته نور".
٧- "إيد وحدة ما بتزقّف".
٨- "أهلك و لو علكوك ما بيبلعوك".
٩- "إبرمي عكّا و أرواد و لا تاخدي رجّال عند اولاد".
١٠- "آكل شارب نايم".
١١- "إبعُد عن الشرّ و غنّيله".
١٢- "أحلى على قلبي من العسل".
١٣- "أعلى ما بخيلك ... اركبه".
١٤- "إقعد أعوج...و إحكي جالس".
١٥- "أمل بليس بالجنّة".
١٦- "أنا أمير و أنت أمير و مين بيسوق الحمير".
١٧- "أنا و خيِّ ع إبن عمّي, و أنا و إبن عمّي عالغريب".
١٨- "اللي بياكل من زوادة غيره.. ما بيشبع".
١٩- "اللي بياخد من غير ملّتو, بيموت بعلتو".
٢٠- "اللي بيكتروا خطّابها, بتبور".
٢١- "اللي ما إلو حظ.. لا يتعب و لا يشقى".
٢٢- "اللي ما بدو يزوج بنتو, بيعلي مهرها".
٢٣- "المنحوس منحوس.. و لو علقوله فنوس".
٢٤- "النبي وصّى على سابع جار".
٢٥- "النق ...بيقطع الرزق".
٢٦- "الولد ولد, و لو حكم بلد".
٢٧- "آب اللّهاب".
٢٨- "آخد وِج.. و مكتّر".
٢٩- "خبي فحماتك الكبار لآذار".
٣٠- "السلام على المعرفة".
٣١- "السياسة ما إلها دين".
٣٢- "الشرط سيّد الأحكام".
٣٣- "الشمس شارقة و الناس قاشعة".
٣٤- "الصبي صبي, و لو كان إبن نبي".
٣٥- "الطمع ضرّ ما نفع".
٣٦- "العين بصيرة و اليد قصيرة".
٣٧- "العين ما بتعلا عن الحاجب".
٣٨- "الغايب عذره معو".
٣٩- "القلوب عند بعضها".
٤٠- "البنات همّن للممات".
٤١- "البيت اللي ما في ولاد صغار, ما في نور".
٤٢- "الجار قبل الدار".
٤٣- "الجنة من دون ناس.. ما بتنداس".
٤٤- "الجوع كافر".
٤٥- "الحاق الكذاب لباب داره".
٤٦- "الحكي ما متل الشوف".
٤٧- "الدفا عفا و لو كان بعزّ الصيف".
٤٨- "الدم ما بصير ماي".
٤٩- "الرجّال رحمة و لو كان فحمة".
٥٠- "السكافي حافي, و الحايك عريان".
٥١- "اللي بيعرف بيعرف, و اللي ما بيعرف يقول كف عدس".
٥٢- "مكتوب ع ورق الخيار, اللي بيسهر باللّيل بينام بالنهار".
٥٣- "مكتوب على بواب الجنّة, ما بعمرها حماة حبّت كنّة".
٥٤- "يا آخد القرد ع ماله, راح المال و بقي القرد ع حاله".
٥٥- "احترنا يا قرعة منين بدّنا نبوسك".
٥٦- "إدعي لصاحبك بالسعادة بتخسرو".
٥٧- "الأقارب عقارب".
٥٨- "الإم بتلّم".
٥٩- "يا رب ما تجعلني عبرة لغيري".
٦٠- "يا طالب الدبس من طيز النمس".
٦١- "بيتمسكن حتى يتمكّن".
٦٢- "اللي بغيّر كاره بيقل مقداره".
٦٣- "اللي استحوا ماتوا".
٦٤- "قالوا لفرعون: مين فرعنك؟ قال: ما لقيت مين يردّني".
٦٥- "ضليت صلّي حتى حصلّي, و لمّا حصلّي بطّلت صلّي".
٦٦- "الإيد اللي ما فيك تعضّها, بوسها و إدعي عليها بالكسر".
٦٧- "مين خلّف ما مات".
٦٨- "من علمني حرف, صرت له عبد".
٦٩- "مئة كلمة جبان, و لا كلمة الله يرحمه".
٧٠- "مين شرب البحر مش ح يغصّ بالسّاقية".
٧١- "مين ما قاله تش.....بقله مش".
٧٢- "نشره على صنوبر بيروت".
٧٣- "وعد الحرّ دين".
٧٤- "يا جبل ما يهزّك ريح".
٧٥- "ما أعزّ من الولد إلا وَلَد الوَلد".
٧٦- "ما بيعرف قيمة الشيئ إلا صاحبه".
٧٧- "مش كلّ مرّة بتسلم الجرّة".
٧٨- "متل الزَهر بتغيب سنة و بتحضر شهر".
٧٩- "مسَبّع الكارات".
٨٠- "اللي ما بيجي معك, تعا معه".
٨١- "مين جرّب المجرّب, كان عقله مخرّب".
٨٢- "كثرة الضحك تُذهب الهيبة".
٨٣- "كلّ عيلة و إلها شرشوحها".
٨٤- "كلّ ما دقّ الكوز بالجرّة".
٨٥- "كلام اللّيل يمحوه النهار".
٨٦- "لا تقول فول تَيصير بالمكيول".
٨٧- "لاقيني و لا طّعميني".
٨٨- "لا بهشّ و لا بنشّ".
٨٩- "للحيطان آذان".
٩٠- "عرَج الجمل من شفته".
٩١- "علمناهم عالشحادة سبقونا ع البواب".
٩٢- "على عينك يا تاجر".
٩٣- "على قد بساطك مد اجريك".
٩٤- "عليك بالجار و لو جار".
٩٥- "عيش يا كديش, ت ينبت الحشيش".
٩٦- "غاب القط إلعب يا فار".
٩٧- "فرخ البط عوّام".
٩٨- "قاضي الأولاد شنق حاله".
٩٩- "قتل القتيل و مشي بجنازته".
١٠٠- "قلّو ثور .. بقلّك احلبه".
١٠١- "كاسر إيده و شاحد عليها".
١٠٢- "خللي قرشك الأبيض ليومك الأسود".
١٠٣- "خللي العسل بجراره.. تتجي أسعاره".
١٠٤- "دود الخلّ منه و فيه".
١٠٥- "راحت السكرة و إجت الفَكرة".
١٠٦- "رجعت حليمة لعادتها القديمة".
١٠٧- "ضرب الحبيب زبيب".
١٠٨- "طبّ الجرّة ع تمها, بتطلع البنت لأمها".
١٠٩- "طنجرة و لقت غطاها".
١١٠- "حطوا ذنب الكلب بالقالب أربعين سنة و بقي أعوج".
١١١- "حامل السلم بالعرض".
١١٢- "يللي باعك ببصلة.. بيعو بقشرتها".
١١٣- "شو إلك بالقصر, قلّو من مبارح العصر".
١١٤- "بيشرب من البير و بيرمي فيه حجر".
١١٥- "بيغرق بشبر ماي".
١١٦- "تعشى و تمشى و لو فشختين".
١١٧- "جارك القريب و لا أخوك البعيد".
١١٨- "جبنا الأقرع ليونّسنا.. كشّف عن قرعته و فزّعنا".
١١٩- "ألف سلّم ما بيطالو راسه".
١٢٠- "بعد الأم.. حفور و طمّ".
١٢١- "بدك تبهدل رجّال فلّت عليه مرا".
١٢٢- "بزرعك بين البقدونس, بلاقيك بين الكزبرة".
١٢٣- "بلا دف بيرقص".
١٢٤- "بياخده عالبحر و بيرجعه عطشان".
١٢٥- "هالله هالله يا دنيا.. وين كنّا و وين صرنا".
١٢٦- "وصل الموس للّحية".
١٢٧- "يا رايح كتّر الملايح".
١٢٨- "يا ربي بلا شماتة".
١٢٩- "يا صبر أيّوب".
١٣٠- "يا لطيف جلده شو متَمسِح".
١٣١- "يِسلم هالطّول متل عرق الفول".
١٣٢- "يا ما تحت السّواهي.. دواهي".
١٣٣- "يللي بشوفني بعين.. بشوفه بعينتين".
١٣٤- "متل الحكومة ما إلو صاحب".
١٣٥- "متل الزيتون, ما بيجي إلا بالرّص".
١٣٦- "متل القطط بسبع ارواح".
١٣٧- "متل اللزقة الأميركية".
١٣٨- "من الفجر للنجر".
١٣٩- "من الحيط للحيط و يا ربّي السترة".
١٤٠- "من تحت الدلف لتحت المزراب".
١٤١- "كما طار الطير و ارتفع, إلا و كما طار وقع".
١٤٢- "لا تنام بين القبور, و لا تشوف منامات وحشة".
١٤٣- "ما غريب إلا الشيطان".
١٤٤- "ما بيعرف الخمسة من الطمسة".
١٤٥- "دخول الحمام مش متل خروجه".
١٤٦- "ما بيحن عالعود غير إشرُه".
١٤٧- "ما بيضرب المرا.. إلا الخرا".
١٤٨- "ما بيحك جلدك.. إلا ضفرك".
١٤٩- "غيم شباط ما عليه رباط".
١٥٠- "قام الدب ت يرقص.. قتّل سبع تمان تِنفُس".
١٥١- "قطع الأعناق و لا قطع الأرزاق".
١٥٢- "قالوا للحرامي: إحلف يمين, قال: فرجت"
١٥٣- "النّصيحة بجمل".
١٥٤- "كل طلعة وراها نزلة".
١٥٥- "كلمة تحنّن و كلمة تجنّن".
١٥٦- "لا تبيع رخيص و لا توَصّي حريص".
١٥٧- "لا تلوم الغايب ت يحضر".
١٥٨- "ضربني و بكى, سبقني و اشتكى".
١٥٩- "طبّلي ت زمّرلك".
١٦٠- "طنّش... و حط بالخرج".
١٦١- "حط إيدك بجنازة, و لا تحط إيدك بجازة".
١٦٢- "عذر أقبح من ذنب".
١٦٣- "عصفور في الإيد, و لا عشرة عالشجرة".
١٦٤- "على الوعد يا كمّون".
١٦٥- "على قلبه متل العسل".
١٦٦- "عم إحكيكِ يا جارة, ت تسمعي يا كنّه".
١٦٧- "عمرك أطول من عمري".
١٦٨- "عيش كتير.. بتشوف كتير".
١٦٩- "عينه ضيقة".
١٧٠- "سترِة البنت جازتها".
إقرأ أيضاً: أشهر الحكم و الأقوال حول العالم
و أنت عزيزي القارئ إذا كنت تعرف أي مثل لبناني آخر شاركه في التعليقات كي أضيفه على مقالتي.. و شكراً.
لا يوجد تعليقات
أضف تعليق